Tia Kos: Najlepše mi je na tej mesti
Znam kaj bute rekli: da je to običen odgovor i da to saki tak veli…ali meni je stvarno najlepše doma, v naši hiži! Saki den nekaj novoga…malo kaj da smo na nekši utakmici de se vsi deremo, a niti ne znamo na koga i zakaj, a malo kaj da ga nikoga na svetu nega.
Vu svoji hiži morem popevati kak glasno očem, dok več glosa nemam. Morem plesati tak dugo dok me več noge ne počneju boleti. Morem se igrati z pesom, grliti s bratom, svaditi z sestrom, v svoji sobi soma biti isto morem. Najbole mi je kaj me nišči ne vređa. Ak je nekši problem, znam da se vu tej hiži more sam rešiti. Se drugo ne vala. To je mesto najlepše jer za jega se vežejo sječanja: lepa i grda, tožna i vesela, a bilo ga jih celo morje! Prvo za štero znam je vezano za pesa. Maloga, črnoga, kudravoga pesa…on je moj najbolši prijatel ki je z menom za nikše probleme ne znal, sam za veselje i igro. Kak smo rasli, med nas so se i problemi zavlekli, ali se smo mi to rešili: i dok se vaza potrla, dok se teglin prehitil, dok je pojngla z vodom po parketu letela, dok se po štengaj z ritjom smicati trelo, dok se zid zamazal z otiskaj, dok se v školu trelo žuriti i na bus bežati, dok so se hlače prelukjale i dok je dlake se posod trelo pobrati… V hiži smo bili sam mi: brat, sestra, jo, tata, mama i pes. I to je najlepše mesto na svetu za nas de niti za goste hižu ne tre rihtati jer smo sam mi tu doma, a ne drugi!
Znam kaj bute rekli: da je to običen odgovor i da to saki tak veli…ali meni je stvarno najlepše doma v naši hiži!
Tia Kos, 8.r.
OŠ Gornji Mihaljevec
Mentorica: Lidija Novak Levatić
