Anja Ormanec: Zanavek si zaspala

I zgledim se, fčera vu kujnji si roškantala,

a već zutra, vu postelj si opala.

Više nigdar vu tvoje roke nebom zapala,

soza bode i dalje padala z lica kojega si dragala.

 

Sako jutro piščoke si ranila,

a posle meni pržgano juho delala.

Nedelom k mešici beceklina si terala,

a po potu tri pot zastala.

Japine si štonfe na štrik slagala,

a uspot si kojo zapopevala.

 

Navek si se negdi motala i štruklje delala,

a vu goricaj alino zmazala dok si roške brala.

 

Novo leto već je prešlo,

a tebe nema, nema i nema,

i nebo te više.

 

I zgledim se, fčera vu kujnji si roškantala,

a već zutra, vu postelj si opala.

Više nigdar vu tvoje roke nebom zapala,

soza bode i dalje padala z lica kojega si dragala.

Anja Ormanec

OŠ Molve, Molve