Marcela Mihanović: Ane i zlatna krava
Bila van je jednon u našen žrnovskon kraju jedna baba Ane. Ni’ strano da vako započinje ova štorija jer našin selon vavik su carile babe, a sve babe jemale su beštija, a najmilija od beštija bila je krava. Eto, sad kad san sve špjegala, mogu van reč kako je to bilo prima rekla – kazala. Ane je bila vedova, ni bila gruba, ma ni lipotica, cili život colava, nikad đelozna na nikoga, ali činila je fintu da nikog ne voli i da je nikor ne voli, nije njon bilo do jubavi, njon je bilo do njezinoga Furbe ća ga je pod zemlju metila ima sedan godin. Dok se još ufala odila je po pazaru, prodavala čagod frutarije šta bi skupila u vrtlu, a sad kad je bokun oslabila i kad su furešti priuzeli pazar, živila je još skromnije, ila još manje, a qualche volta je znala bi misto u svoja justa dala goluzastoj kravi. I zborijla se Ane po stare dane i odlučila prodat svoju kravu koju je zvala Danguba. Odlazila je na misni sajam, svako 3 dana, ali kravu nikako prodat. Šta da van rečen svitu. Ane je o svojoj Dangubi pripovidala samo istinu. Da nije to baš nika krava, da je jadnica stara, prišla deboto iz rata u rat, da mlika ni’ dala ima godina, ka nika ruzinava makina. Ali ni’ znala lagat i gotovo.
Srića ibog vidija je to njezin rođak Andrija iz Dubrave, reka je u sebi da Ane mirita bolje i odlučija joj je pomoć u prodaji. Škarta je on Aninu štoriju i uvalija je svoju, ka pravi poduzetnik. Taj dan na misnon sajmu vika je Andrija: “Judi moji, judi moji! Čujte i počujte, vakvu ponudu više čut nečete! Ovo ovod van je krava u vrhunskoj formi, svaku setimanu dade mlika i za dva miseca, a kad oteli, oteli trojke, qualche volta i četvorke. A ja van je nudin za jušto ijad dinari.” I okupi se svit, sad svi oče kravu, umalo krenila barufa. Ali šta, kad je Ane čula kakva je njena krava, sva se zajapuri, trkne prima kravi, stavi joj konpac priko glave i reče: Ma ča je tebi Duje, i ča ja vama ludi svite, diću ja gospeti takvu kravu prodavat!? Ajte vi lipo kvragu, ja i moja Danguba idemo doma!!!”
Marcela Mihanović, 6.a. razred
OŠ Žrnovnica
Mentor: Martina Lovrić
