Dolores Šeputić: Crna vragolasta maška

Nima se oda šta puno duljit, štorija kreće drito uglavu. Jeman ja susidu Maru, šjor Paška i babu Mandu. Znate, prije su bili mirni svit, al sad bome po susidstvu čujen ovako:

Izašla vanka baba Mare, al ni se puno od kuće dala, nego jušto isprid. Krenila je u vrtal obrat bokun blitve. I, apena je stala brat, eto ti na, prid oči joj svisne crna maška. Vrti jon se oko nogu, uncutica mala, sve ništo ka da oće, a ne zna šta će. Pa joj sva furbasta gricne malo blitve. Mare poludila, stade se derat da ne pobigne li ča da će je pritvorit u paštašutu, cilo je susidstvo čulo je ka da je niki mandrilo pljačka. Mare je nastavila brat blitvu i mečala je u buket ka cviće. I ja bi je uvik gledala s ponistre kako to čini i ovega dana nisan od znatiželje mogla nego san je pitala zašto ona čini te monade sa blitvon. A ona mi je ka iz topa kazala kako je njoj biltva najdraže cviće.

Onda je maška ulizla u dvor šjor Paška, omastila je brk s poton mlika, cila njuška jon se zabilila. Kad je Paško vidija, i on je sta vikat ka da ga deru, zgrabija je za šiju ka kad ih mater nosi, i od bisa je uvalija u teču. U teči je bila ustajala konšerva i mačka, čin je takla dno teče, čutila mokro, skoči sva crvena ona nazad Pašku na vrat. Paško se smeja, učinija dva koraka nazad, udrija glavon u zid, i sad je, ka zađavla, vidija četri maške. A moj Pegulani Paško!

Baba Mande, još jedna baba iz susidstva, stara oštrokonđa, metila je dva kajina na teracu jer je tila uvatit zero kišnice da tići imaju vode za napoj. Jer ni volila jude, ali je volila čut tiće kako pivadu, pa bi ih posmatrala kako letidu oko nje i govorila in: „Viti, viti, viti!“ Kad su ti’ dan arivali tići, arivala je i crna maška, a Mande stade vikat ka da je đava uliza u nj. „Iš, iš, iš!! I nju je cilo susidstvo čulo. A u nas, kad te susidi čuju, svi se nasade na ponistre, i naravno da su to uvik babe, prve skrivene kamere u svitu, i onda krene štracavanje. Nu je, vakva, nakva, viče, išempjana… Misto je to, kvragu sve, koje voli tišinu. Tišina vuol dire da je sve pod kontrolon.

Doša je nikidan u dvor jedan mali, pa sta se raspitivat jel tu živi baba Mande. A mali dišperaduni iz sela, odma su vidili da ovi smrdi, jesu bili farabuti, al su imali ćuka u glavi, i stadu mu govorit: Ode živi samo šjora Viti Iš Iš, i nikad tu nije kročila nijedna šjora Mande.“

Vidite, tako san ja krenila pričat o jednoj stvari, o vragolastoj crnoj maški koja je činila pusti nered po mistu, i onaj dobri i tihi svit pritvarala u đavle svoje vrste, a na kraju ni sama nisan sicuro ća san tila špjegat. Al jedna stvar je sigurna, ne zvala se ja Dolores, moran se hitno priselit u veće misto bez terace i dvora, ma najboje i bez ponistre, di se smi arleukat, škandirat, mantat, negdi di nema zajebanih crnih mačaka i baba prozoruša.

Dolores Šeputić, 7.b. razred
OŠ Žrnovnica
Mentor: Martina Lovrić