Lorena Kovač: Zakaj se ja smejem

Smeh leči se rane,
tak velidu naši stori.
Lepo je videti čoveka nasmejanoga
a ne ka ti budu drugi rekli
pogledni ga kak je fujasti ili fujasta.

Ja pak se stare izreke jako dobro držim.
Tak ka se smejem negda i vum bez veze
i s tem fletno  mami živce zdignem.
Unda je srdita i veli daj ju več vuha bolidu,
a ja ji velim nej biti fuja fujasta
tak bi ti i naša prabakica rekla.

Ja se smejem z jaoko čudaj razloga.
Najlepši i najvekši smeh  je dok petice
z ispita dobim.
Smejem se kak grlica.
Tu su i slavlja rođendanska i koje kakve fešte
i  mladenačke zgode  i vici za smeh.
O ho ho i kraj škole, prazniki i sloboda
i smeha nigdar nej dosta.
Rado se smejem dok se i drugi od srca smejejo.

Tu je još jeden veliki razlog za smeh,
al ne znam dal da ga povem
ili ga za sebe zadržim.
Al nej bo, bom  povedala:
v pubertetskim letima sem
i simpatiju v školi na hodniku milo gledim
pa se potiho i sramežlivo smejem.
Dok mimo mene prejde
srčeko mi zatitra i lice se začrleni,
a najlepše mi je dok se on meni nasmeje.

Lorena Kovač, 7. razred
OŠ Domašinec
Mentorica: Sanja Vebarić