Helena Jurković: Na Vuzem nesemo korpico na posvečaje

Dok čujem za Uskrs ili po starinski Vuzem, prvo se zmislim na mojo familijo, zajčeke, pisane jajci i narcise. Navek mu se veselim i jedva čekam ka dojde. Mama mi je rekla da su negda Vuzem ne slavili tak kak denes i da je pri moji prabaki Vuzem drugač zgledo nek moj.

Ve bum vam prepričala kaj mi je moja mama se govorila, a jo pisala tak kaj me roka zabolela…

Tjeden dni pred Vuzmom je obavezno bilo velko štrihalo. Tak so zvali molaje zidi, ali ne z forbom, kak mi denes molamo, nek z vopnom, a pri štrihajo so si pomogali s perotjom od pure. Či je što šteo ka bodo zidi malo plovi, je k vopno kcoj deo galica. Mama mi je rekla ka je to otrov za gorice joko lepe plove boje. V to vreme neso meli vešmašine, nek so proli na roke, pa so si postelijav ne mejali kak mi denes, nek dvopot na leto. Pred Vuzem so se vun nosili i prali, jer so Vuzma morali dočekati v čistomo i lepomo.

Ljudi so negda većinom delali po doma, retko što je hodijo na posel nekam. Meli so čuda poljoprivrede. Na Velki četrtek so završovali s poslom, završovali čiščeje, a te den so se zapirali zvoni na cirkvi i neso zvonili do Vuzma, znači do nedele. Na Velki petek je bio Velki post i jeli so pretepenoga graha i kropce, a išli so i na Božji grob v cirkvo, de so se mu poklonili i kušnuli ga. V soboto so si prepravili žegna, za keroga so kuhali šunko, klobose, jajci, pekli kruha i bidro, prepravili vino i malo soli, ka odnesejo na blagoslov. Jajci so se cifrale tak ka so najpre nacrtali nekaj gori z voskom od sveče, a onda so jih zamotali v lupije  od luka i skuhali. Žegen se je moro nositi v najlepši košari i biti pokrit z najlepšom krpom, a na korpeco so za ukras bile vuzmenke, nam bole poznote kak narcise. Na žegen se je nosilo se kaj se je pojelo i de ga bilo čuda ljudi pri hiži, tam so s korpom na glovi žegna donesli. Večer je saka hiža vužgola svojo vuzmenko i bila je velka sramota či jo slučajno de nebi meli. Na Vuzem so zaron si skupa od hiže išli k meši, a onda dimo jest. Ostotke hrone, kak je lupije od jajci, so ne smeli hititi fkraj, nek je trebalo skuriti.

Još mi je čuda toga mama rekla, al sem več ve i pozobila. Makar je negda bilo drugač, nekše stvori i denes tak delamo, a meni je najlepše od sega ka se onda si skupa zidemo i veselimo.

Helena Jurković, 1. razred

OŠ Gornji Mihaljevec

Mentor: Silvija Soldat, mag. prim. educ.