Marta Ciglar: Deteča igra je važna

Sam ja kak dete važna? Se me dosta čuje doma ili v školi? Bi me što posljušav na televiziji?

Rada se spominam, imam jedenajst let. Spominam se o tomu kak je bilo v školi, o pesima, o svemiru, o serijama na Netflixo…

Strašno se rada smejem i sikam fteknem. Nekomu bi to išlo na žifce, ali ja strašno rada se očem znati i videti, pogotovo dok se mama ili sestra spominaju z nekim. Se mi moraju reči, s kim su se spominale, kaj su se spominala. Se mi morajo zrefererati. Je kaj bum ve, takša sam! Dete sam!

I rada se igram. Negda i po cele dneve. Dok se igram mama mi navek dojde i prosi: “Marto, dojdi mi pomori deti sušiti veša!” A ja velim: “Bodem, evo samo malo.” Važneše mi je igrati se. I na kraju to ne napravim i mama se rasrdi. A ja joj velim: “Pak ak sam pozabila!”

Odnaveke rada imam prirodu i životinje tak da se pri našoj hiži nesmeju ubijati pauki, ali niti smrdeči martini. Čuda se igram z mojim pesekom Lirom. Ona je mješanac belgijskoga ofčara i nekvoga peseka pak je ne velka zrasla. Meni je za igro taman. Navečer mi je zadatak pospraviti ju f boks spat jer bi inače celo noč zavijala da je vuni.

Ono kaj mi nejde je to kaj nemam strpljeje za pisati domačo zadačo ili se vučiti po cele dneve. Rajši bi se igrala ili vuni s pesom bila. Mama mi veli:”Viš kak je tej lepo!” Ja si mislim da ima praf. Jer da bi se si več igrali nebi bili tak napuhjeni i ozbiljni.

Bi bilo to vredo da tak velim na televiziji?

Marta Ciglar, 5.a

OŠ  Tomaša Goričanca  Mala Subotica

Mentorica: Nevenka Polanec – Petek