Lea Lepur: Kak se dela gibanica

kat mesiš testo za gibanicu

nek svu srdžbu z tebe stera

nek se kak vrag koti drugamo

ostavi gnev v kiselom zelju

kaj gaziš  čižmama

vu testo samo sijati ljubaf

 

posluhnuti mu bilo dok buja

z prstima još toplim od rakije

puniti testo z makom i orasima

kak da miluješ dragu živinu

 

kat cajger otkuca jenu vuru

kat se vrneš z polnoćke vu toplu hižu

z dahom maglenim od zime

zvadiš gibanicu z tople utrobe pečnice

 

kora se oblekla vu zlatnu farbu

a ti osetiš da je testo punašno

kak licitarsko srčeko

i podbuhnuto kak obrazi rumeni

 

Lea Lepur

Velika Mlaka

*rad za kajkavski zbornik van konkurencije