Lana Belužić: Dežđ je za se kriv

Baš sem se priredila da idem na igrališče, pa je počel kapati dežđ. Auu, koje li nesreče! Pa si gruntam, kaj meni može neki dežđ! Nikaj, bum si zela škornje i dežđobran i jurim vun.  Tak se ja priredim, kad vuni počele lijevati ko iz kabla, ne bu pomogel ni dežđobran ni škornje.

A niš, navek ja najdem još poneko rešenje! Imam vam ja i seku, mala je, ali je čiste dobra za igru.

Igrame se seka i ja, igrame i se je u najbolšem redu. Dok se nismo posvadile pa je nastal velki krič. Dedek nije mogel spati, a babica nam je štela mamicu zvati. Došel je i sused i rekel: „ Kaj su vam deca iz zoološkog vrta pobegla?“ Babicu je se sram bile radi nas. Rekla nam je da bumo mirne i da ne roždimo i da kaj si bu sele mislilo o nami.

E, to su vam već ozbiljniše stvari. Mam smo se primirile i bile stiha.

I za se je taj dežđ kriv!

                                                                Lana Belužić, 4.b

                                                                     OŠ Konjščina

Mentorica: Maja Đurđinovski