Čakoski Pozoj pre doktoro
Vu srcu groda Čakovca leži stori dvorec pod šterim spi čakoski Pozoj. Zelena dreva mu delaju hloda, a pod gostim listjem fućkaju mu ftiči. Mirno leži v svoji jami i posluša: decu kak bežiju, kak se smejeju i bečiju, i kak pesmice popevleju. Celi den je premišlaval o toj pesmici i ne mu je išla vum z glove. Jenoga dneva zmislil se doktora. Zvlekel se z grabe, stepel je zemlu z sebe i poletel. Letel je na sever prema Murskome Središću. Na pol pota je sletel vu Vratišinec. Tu je živel doktor. On je ne bil doktor šteri leči, nek doktor fiškal. Zval se Vinko Žganec. Putuval je po Međimurju, gledal, poslušal i zapišuval međimurske pesmice, popevke i plesove, kaj ih se nebi pozabilo. Doktor se prvi mah prestrašil, al je videl da mu Pozoj nebu nikaj. Čakoski Pozoj je štel doktoru otpopevati pesmu šteru je čul ka ju zapiše i ka bodu jo i denešnja deca znala. Hrapavim i globukim glosom Pozoj je zapopeval:
Žuga, žuga,
hajd na pašu!
Ne vupam!
Pred kem?
Pred vukom.
De t’ je vuk?
Dzaj za grmom.
Kaj dela?
Jamu kopa.
Ka bu z jamom?
Ognja kurio.
Ka bu z ognjom?
Kropa topio.
Ka bu z kropom?
Mivao se bo.
Doktor Žganec se od srca nasmejal i zapisal. Zafalil se Pozoju ka mu je to otpopeval. Pozoj je posle doznal da je ta pesma štampana vu knjigi dr. Vinka Žganca “Hrvatske pučke popijevke iz Međimurja”. Tak po Pozojovi zaslugi i denešja deca znoju pesmu o žugi.
Gita Radiković
OŠ Petar Zrinski, Šenkovec
